Загребски Бед Блу Бојси и сплитска Торцида најавија меќусебна пресметка во Скопје

Загреб, 15 ноември (МИА) - Двете најбројни хрватски навивачки групи - Бед Блу Бојс и Торцида - најавија меѓусебна пресметка за сабота во Скопје, за време на натпреварот на македонската и хрватската фудбалска репрезентација од квалификациите за Еуро 2008, јавуваат хрватските медиуми.

На ваквите најави во Загреб веднаш е дадена „тревога за општа опасност“, па, според медиумите, експресно реагираше и хрватското Министерството за внатрешни работи кое од своите македонски колеги побара двете навивачки групи во Скопје да бидат постојано одделени.

Неодамнешната договорена пресметка на Бед Блу Бојсите (навивачка група на фудбалскиот клуб Динамо) и Торцида (навивачи на фудбалскиот клуб Хајдук) во Белопоље дава сериозен материјал за барањето што е упатено до македонското Министерство за внатрешни работи, наведуваат медиуми.

Според истите извори, слично барањето е испратено и до Фудбалската федерација на Македонија (ФФМ), која во организацијата на саботниот натпревар не сака ништо да препушти на случајот.

- Хрватското МВР ни испрати барање на трибините да ги одделиме навивачите на Торцида и БББ за да не дојде до меѓусебни судири, изјави за „Вечерњи лист“ генералниот секретар на ФФМ, Никола Костов, додавајќи дека хрватските навивачи официјално нема да можат да купат билети во Скопје.

- Но, ние сме немоќни да спречиме некој друг тоа го стори во нивно име или навивачите да се снајдат на друг начин, додава Костов.

Teren je ocajan, vise ima zemlje nego trava, a kakvo je ovde vreme tesko i da ce se moci nesto sanirati, a oko vaterpola okosnica Mak reprezentacije sasda cine ex-yu igraci br.1 Risto Miljkovic, tako ako ne dolazite sa prvom postavom bice gusto